Hami Baltara

तपाईं बाल साथीहरूलाई धेरै धेरै माया गर्ने लेखक मुक्तिनाथ शर्मा नेउपाने नेपाली साहित्यका विविध विधामा कलम चलाउने स्रष्टा हुन् । सरल प्रकृतिका शर्मा बाल साहित्य लेखनमा विशेष रमाउँछन् । आध्यात्मिक चेतना भएका शर्मा बालबालिकाको मनोभाव बुझेर सरल भाषामा रमाइलो प्रस्तुति दिन सिपालु देखिन्छन् ।मुक्तिनाथ शर्माका बत्तीसवटा साहित्यिक कृति प्रकाशित छन् । यीमध्ये प्रस्तुत हामी बाल तारा बालबालिकाका लागि मधुरलयमा रचित कविता कृति हो । यस कृतिमा शर्मा बालकहरूलाई हिउँसित खेलाउँछन्, बगैंचामा घुमाउँछन् । विद्यालयमा रमाउन प्रेरित गर्छन्, बाआमासँगै बसाउँछन्। समस्त साथीहरूसित मिलेर खेलौँ, कुदौं भन्छन् । उनका रचनाहरू नेपाली समाजसित जोडिएका हुन्छन् । रमाइलोसित उत्साह दिने खालका चोटिला र घतिला पनि हुन्छन् । मुक्तिनाथ शर्मा गम्भीर विषयलाई पनि सरल भाषामा सुटुक्क भन्न सक्ने कुशल वक्ताका रूपमा देखिन्छन् । तपाईँ बालसाथीहरूका प्रिय लेखक शर्माका चौधवटा कविता कृति यस सङ्ग्रहमा समावेश छन् ।